San Antonio, Zambales – Matagumpay ang isinagawang Feeding Program ng San Antonio PNP sa Barangay San Juan, San Antonio, Zambales nitong Biyernes Hulyo 29, 2022.
Ang naturang aktibidad ay pinangunahan ni Police Lieutenant Darren Q Ganotan, Officer-in-Charge ng San Antonio Municipal Police Station, Zambales Police Provincial Office kasama ang Lingkod Bayan Advocacy Support Group.
Tinatayang 30 na bata ang pinakain ng sopas, binigyan ng itlog, gatas at tinapay.
Ang nasabing aktibidad ay kaugnay sa ika-27th PCR Month Celebration na may temang “Ugnayang Pulisya at Komunidad Tungo sa Mapayapa, Maayos, at Maunlad na Pamayanan”.
Ayon kay PLt Ganotan, lubos na nagpapasalamat ang mga magulang ng mga bata sa PNP sa ibinigay na tulong sa kanilang mga anak.
Layunin ng aktibidad na makapag-abot ng tulong sa mga mamamayan at mapagtibay ang ugnayan ng PNP at ng komunidad.
Source: San Antonio MPS
Panulat ni PCpl Jeselle V Rivera
