Misamis Occidental – Ngiti at tuwa ang sukli ng mga guro at estudyante ng Gala Elementary School sa isinagawang Feeding Program ng Revitalized-Pulis Sa Barangay (R-PSB) Brgy. Gala sa Tudela, Misamis Occidental nito lamang ika-21 ng Pebrero 2023.
Ayon kay Police Staff Sergeant Fazle Ibne Karim, Team Leader ng nasabing grupo, naisakatuparan ang naturang aktibidad sa ilalim ng pamumuno ni Police Lieutenant Colonel Peter Rhyan Revillas, Force Commander, sa ilalim ni PCol Marlon L Quimno, Provincial Director ng Misamis Occidental Police Provincial Office.
Namigay ang pulisya ng libreng tinapay, juice at spaghetti sa mga estudyante ng nasabing paaralan na naglalayong tugunan ang panandaliang gutom at malabanan ang malnutrisyon.
Panulat ni Patrolman Nicole Villanueva/RPCADU 10
