Nagsagawa ng feeding program ang mga kapulisan ng Mariveles Municipal Police Station sa mga residente ng Barangay Biaan, Marivelez, Bataan, nito lamang Biyernes, ika-30 ng Nobyembre 2024.
Pinangunahan ito ni Police Lieutenant Colonel Dennis R Orbista, Chief of Police ng naturang istasyon katuwang ang mga personahe na mula sa PNP Maritime Group at mga opisyales mg naturang barangay.
Namahagi ang mga kapulisan sa mga residente ng libreng pagkain na labis namang ikinatuwa at ipinagpapasalamat ng mga ito.
Layunin ng aktibidad na ito na magbigay ng kaalaman tungkol sa tamang nutrisyon, magpatibay ng pagkakaisa sa komunidad, at itaguyod ang mas malusog na pamumuhay.
Sa ganitong paraan, inaasahang mabawasan ang mga sakit na dulot ng malnutrisyon at mapabuti ang pangkalahatang kalagayan ng mga residente.
Patuloy ang Pambansang Pulisya sa paghahatid ng tulong at tapat na serbisyo lalo na sa lubos na nangangailangan upang mapaigting ang magandang ugnayan ng kapulisan at mamamayan tungo sa mas maunlad na lipunan.
Panulat ni Pat Pearl Crystalynne Javier
