Gerona, Tarlac – Nagsagawa ng Feeding Program ang Gerona PNP sa Barangay Quezon, Gerona, Tarlac nito lamang Martes, Hulyo 5, 2022.
Ang aktibidad ay pinangunahan ni Police Lieutenant Marinell M Abatayo, Municipal Community Affairs and Development ng Gerona Municipal Police Station kasama ang DeltaCom Zenith Base at Barangay Officials.
Humigit kumulang 30 na batang mag-aaral ang nahandugan ng libreng lugaw at tinapay sa nasabing lugar.
Ayon kay PLt Abatayo, lubos na nagpapasalamat at laking tuwa ng mga bata sa PNP sa libreng pagkain na ibinigay sa kanila.
Layunin ng aktibidad na mapagtibay ang ugnayan ng PNP sa mga mamamayan upang maging kaisa sa pagpapanatili ng kapayapaan at seguridad sa ating bansa.
###
Panulat ni Police Corporal Jeselle V Rivera
