Enrile, Cagayan – Nagsagawa ng “Feeding Program” ang mga pulisya sa Barangay Lemu Norte, Enrile, Cagayan bandang 7:30 ng umaga nito lamang Biyernes, Marso 25, 2022.
Ang aktibidad ay pinamunuan ni Police Major Rodel Gervacio, Chief of Police, Enrile Police Station sa pangunguna nina Patrolwoman Carren Gannaban at Patrolman Gabby Beran kasama ang mga miyembro ng Kabataan Kontra Droga at Terorismo (KKDAT) Enrile Chapter.
Tinatayang apatnapu (40) na bata ang nabigyan ng mainit na sopas sa nasabing barangay.
Ang aktibidad ay kaugnay sa Project PAMANA ng himpilan at bilang pagdiriwang sa National Children’s Month at pagsuporta sa NTF ELCAC (E.O 70).
Dagdag pa ni PMaj Gervacio, pinaalahanan din ang mga bata sa nasabing barangay na mag-ingat at laging isagawa ang health protocols para maiwasan ang paglaganap ng COVID-19 virus.
Layunin ng programa na maghatid ng mga pangunahing serbisyo sa mga residente ng nasabing barangay lalo na sa kapakanan at seguridad ng mga bata at ipadama sa kanila na ang gobyerno ay handang tumulong sa mga naapektuhan sa lumalaganap na pandemya.
Source: Enrile PCR
###
Panulat ni Police Staff Sergeant Donabel T Dulin
