Negros Oriental – Nagsagawa ng feeding program ang mga tauhan ng Basay Municipal Police Station sa mga residente ng Yardahan (suba), Barangay Bal-os, Basay, Negros Oriental nito lamang ika-22 ng Oktubre 2022.
Ang naturang aktibidad ay pinangunahan ni Police Lieutenant Julius Rene C Peñaflorida, Officer-In-Charge katuwang ang PNP Maritime Group, Barangay Officials ng Barangay Bal-os na pinamumunuan ni Hon. Rico Anlap, Barangay Captain, Elite Riders Adventure Team Basay at Pastor Danilson P. Sabanal ng Evangelical Church of Christ Universal Inc.
Nasa higit kumulang 150 ang nabahagian ng mga naturang grupo ng mainit at masarap na champorado at juice.
Isang ngiti ng pag asa, pagtitiwala at kasiyahan ang naging bakas sa mga mukha ng mga naging benepisyaryo sa nasabing lugar.
Ang aktibidad ay kaugnay sa PNP peace and security framework ng Pambansang Pulisya ang MKK=K o Malasakit, Kaayusan, Kapayapaan tungo sa Kaunlaran.
Ang naging aksyon ng Basay PNP ay naglalayong matulungan at mabigyan ng kasiyahan ang mga residente na kanilang nasasakupan bilang ganti sa walang sawang pagsuporta ng mga ito sa mga programang inilulunsad ng iba’t ibang ahensya ng pamahalaan.
Panulat ni Patrolwoman Jenilyn Consul
