Ballesteros, Cagayan – Nagsagawa ng Feeding Program ang Ballesteros PNP sa Barangay Cabayu, Ballesteros, Cagayan noong Hunyo 12, 2022.
Ang aktibidad ay pinangunahan ni Police Major Marlou Del Castillo, Chief of Police ng Ballesteros Police Station kasama ang mga aktibong miyembro ng Kabataan Kontra Droga at Terorismo, Aspirant of Fraternal Order of Eagles/Philippine Eagles (Aparri Sabangan CV Eagles Club), My Brother’s Keeper Life Coaches at mga barangay officials.
May kabuuang 30 agta ang nahandugan at nakatanggap ng libreng miki soup at itlog.
Ayon kay PMaj Del Castillo, lubos ang tuwa at pasasalamat ng mga residente sa mga kapulisan sa pagbibigay malasakit sa kanilang barangay at pagbibigay ng libreng pagkain.
Layunin ng aktibidad na makapag-abot ng tulong at pangunahing serbisyo sa mga mamamayan lalo na sa mga liblib at malalayong lugar gayundin upang mapagtibay ang ugnayan ng PNP at komunidad.
Source: Ballesteros Municipal Police Station
###
Panulat ni Patrolwoman Juliet Dayag
