Surigao del Norte – Isinagawa ang Feeding Program na may temang “Binignit ni Aling at Mamang Pulis” ng Bacuag Municipal Police Station sa Sitio Siwata, Brgy. Poblacion, Bacuag, Surigao del Norte nito lamang Linggo, Hunyo 5, 2022.
Ang aktibidad ay pinangunahan ni Police Executive Master Sergeant Demetrio Galanida Jr, sa ilalim ng pamumuno ni Police Lieutenant Charlon Montero, Officer-in-Charge ng Bacuag Municipal Police Station.
Nasa 80 na residente ang naging benepisyaryo ng naturang feeding program.
Layunin ng aktibidad na isulong ang kahalagahan sa pag-aalaga sa kalusugan at mabigyang importansya ang pagkakaroon ng magandang ugnayan ng PNP sa komunidad.
Patunay lamang na ang mga ganitong serbisyo ay pagpapakita na ang PNP ay patuloy sa pagsasagawa ng mga programa na makakatulong sa maayos at mapayapang pamumuhay ng bawat isa.
###
Panulat ni Patrolman Jhunel Cadapan/RPCADU13
