Nagsagawa ng feeding program ang mga tauhan ng Maria Aurora Municipal Police Station sa mga bata ng Barangay 2, Maria Aurora, Aurora nito lamang Sabado, ika-10 ng Agosto 2024.
Ang naturang aktibidad ay pinamunuan ni Police Major Ferdinand B Usita, Chief of Police ng Maria Aurora MPS katuwang ang mga Sangguniang Kabataan na pinangunahan ni Hon. Drew Destine Q. Fontanos, SK Chairman ng nasabing barangay.
Namahagi ang grupo ng pagkain sa mga mag-aaral upang maiwasan ang malnutrisyon at magkaroon ng malusog na pangangatawan lalong-lalo na ang mga kabataan sa nasabing barangay.
Patuloy ang Pambansang Pulisya sa paghahatid ng tulong at tapat na serbisyo lalo na sa lubos na nangangailangan upang mapaigting ang ugnayan ng kapulisan at mamamayan tungo sa mas maunlad na lipunan.
