Manabo, Abra – Nagsagawa ng Feeding Program ang Abra 2nd Provincial Mobile Force Company sa mga mag-aaral ng Sapdaan Day Care Center sa Sapdaan, Manabo, Abra nito lamang Oktubre 16, 2022.
Ang naturang programa ay pinamunuan ni Police Corporal Juliet Carreon sa ilalim ng liderato ni Police Lieutenant Colonel Igan Ballangan, Acting Force Commander ng Abra 2nd Provincial Mobile Force Company.
Tinatayang 15 na bata ang nakatanggap ng libreng meryenda na naglalaman ng spaghetti at juice.
Labis naman ang tuwa at pasasalamat ng mga kabataan sa pagkain na hatid na dala ng Abra PNP.
Ang aktibidad ay kaugnay sa programa ng Pambansang Pulisya na Malasakit, Kaayusan, Kapayapaan tungo sa Kaunlaran.
Patuloy na isusulong ng Abra PNP ang mga programang may malasakit na makakatulong sa pagkakaroon ng malusog at masiglang pangangatawan ng mga kabataan sa kanilang nasasakupan.
Source: Abra 2nd Provincial Mobile Force Company
