Malabuyoc, Cebu – Nagsagawa ng Feeding Program ang mga tauhan ng 703rd Maneuver Company ng Regional Mobile Force Battalion 7 sa mga mag-aaral ng Cerdeña Elementary School sa Barangay Cerdeña, Malabuyoc, Cebu nito lamang Oktubre 17, 2022.
Ang naturang aktibidad ay pinangunahan ni Police Lieutenant Bryan Carl Lozarita sa direktang pangangasiwa ni Police Lieutenant Ronnel Diwag, Officer-In-Charge, katuwang ang mga miyembro ng Elite Guardians Dalaguete Chapter sa pamumuno ni Mr. Henry Ricky Cordero.
Lubos naman ang tuwa at pasasalamat ng mga guro at mag-aaral ng nasabing paaralan sa handog na pagkain ng mga kapulisan ng 703rd Maneuver Company ng Regional Mobile Force Battalion 7.
Ang aktibidad na ito ay kaugnay sa Peace and Security Framework ng kasalukuyang Hepe ng Pambansang Pulisya na si Police General Rodolfo S Azurin Jr, ang MKK=K o Malasakit, Kaayusan, Kapayapaan tungo sa Kaunlaran.
Ang Pambansang Pulisya ay patuloy na magsusulong ng mga programang makakatulong sa pagkakaroon ng malusog at masiglang pangangatawan ng mga kabataan upang lalo silang ganahan sa pag-aaral na isa sa instrumento sa pag-abot ng kanilang mga pangarap.
Panulat ni Patrolwoman Jenilyn C Consul
