Tawi – Tawi – Aktibong nagsagawa ng feeding program ang mga miyembro ng 5th Regional Mobile Force Company ng RMFB BASULTA sa ilalim ng pamumuno ni Police Captain Kiefer Beray sa mga mag-aaral ng Bohe Basag Elementary School, Bongao, Tawi-Tawi nito lamang ika-13 ng Nobyembre 2023.
Naging matagumpay ang aktibidad katuwang ang mga guro ng naturang paaralan kung saan kabilang sa aktibidad ang food feeding at nagsagawa din ng palaro para sa mga kabataan.
Samantala, patuloy ang PNP sa pagsasagawa ng mga programa na naglalayong isulong ang pagkakaisa tungo sa isang ligtas, maayos at maunlad na pamayanan.
Panulat ni Patrolman Charlie Nasroden Corpuz
