Balanga City, Bataan – Nagsagawa ng Feeding Program ang 1st Bataan Provincial Mobile Force Company sa Tenejero Toda, Barangay Tenejero, Balanga City, Bataan nito lamang Martes, Mayo 31, 2022.
Ang nasabing aktibidad ay pinangunahan ni Police Lieutenant Colonel Elias Tait, Force Commander ng 1st Bataan PMFC at pinamunuan ni Police Colonel Romell Velasco, Acting Provincial Director ng Bataan Police Provincial Office.
Humigit kumulang 50 na mga tricycle driver ang nahandugan ng libreng pagkain sa nasabing lugar.
Ayon kay PLtCol Tait, lubos na nagpapasalamat ang mga tricycle driver sa PNP sa libreng pagkain na naibigay sa kanila.
Layunin ng aktibidad na pagtibayin ang ugnayan ng PNP sa mga mamamayan upang maging kaisa sa pagpapanatili ng kapayapaan at seguridad sa ating bansa.
###
Panulat ni Police Corporal Rivera
