Camarines Sur – Naging matagumpay ang isinagawang Feeding Program Activity ng Nabua MPS sa mga mag-aaral ng Bustrac Elementary School sa Barangay Bustrac, Nabua, Camarines Sur nito lamang Pebrero 14, 2023.
Ang nasabing aktibidad ay pinangunahan ni PSSg Marlon Gallarte, PCAD PNCO sa ilalim ng pangangasiwa ni PLtCol Paul DM Cabug, Hepe ng nasabing himpilan, katuwang ang community adviser na si Brother Christian Duan at mga Criminology Intern ng Ceguera Technological Colleges.
Namahagi ng mainit na goto at tinapay sa mga mag-aaral ang grupo. Para sa kapulisan ang Araw ng mga Puso ay parang Araw ng Pasko, araw ng pagmamahalan, araw ng pagbibigayan kaya nararapat lamang na mamahagi ng mga biyaya.
Ang nasabing aktibidad ay bahagi rin ng programa ng Pambansang Pulisya na MKK=K o ang Malasakit, Kaayusan, Kapayapaan tungo sa Kaunlaran na naglalayong mapanatili ang magandang ugnayan ng Pulisya at mga kabataan.
Ito ay patunay lamang na ang ating kapulisan ay patuloy sa pagbibigay, pag-alalay at pagsuporta sa mga gawaing may kinalaman sa ikakabuti ng bawat mag-aaral at batang Nabueño.
Source: Nabua MPS Csppo
