Matagumpay na isinagawa ng mga tauhan ng 1st Nueva Ecija Provincial Mobile Force Company ang feeding program para sa mga residenteng naapektuhan ng Bagyong Pepito sa Barangay Sangitan West, Cabanatuan City, Nueva Ecija nito lamang Lunes, ika-18 ng Nobyembre 2024.
Ang inisyatibo ay sa pangunguna ni Police Captain Don King T Barcelo, Team Leader, sa ilalim ng pamumuno ni Police Lieutenant Colonel Paterno L Domondon Jr, Force Commander, sa tulong ng mga opisyal ng Barangay na pinamumunuan ni Barangay Chairman Michael Emmanuel S. Marin.
Ang nasabing programa ay naglalayong ipakita ang malasakit ng kapulisan sa mga mamamayan, lalo na sa mga dumaranas ng sakuna, sa pamamagitan ng pagbibigay ng pagkain bilang bahagi ng mandato ng PNP na maghatid ng seguridad at tulong sa nangangailangan.
Samantala, labis ang pasasalamat ng mga residente at ng mga opisyal ng barangay.
Ito ay nagpakita ng magandang halimbawa ng “Serbisyong Pulisya na may Puso,” na siyang layunin ng PNP para sa mas ligtas, maayos, at maunlad na komunidad.
Panulat ni Pat Lixen Reyz A Saweran
