Pinagbuhatan, Pasig City — Nagsagawa ng Feeding Program at Mobile Library ang Police Community Affairs and Development Course Class “Masikhay” 08-2022 sa Acacia Gahit, Pinagbuhatan, Pasig City nito lamang Huwebes, Disyembre 8, 2022.
Nagkaroon ng story-telling sa 80 na mga bata patungkol sa pagpapanatili ng kalinisan sa pamamagitan ng tamang paghugas ng ating mga kamay upang labanan ang paglaganap ng COVID-19 virus.
Aktibong nakinig ang mga kabataan at ang presensya ng dalawang mascot na si Maringal at Magalang ay mas lalong nagbigay ng kasiyahan sa mga bata na sinundan naman ng feeding program.
Ang mga naturang aktibidad ay bahagi ng Community Immersion Program ng PCAD Course Class “Masikhay” 08-2022 na naglalayon na ilapit at paigtingin ang ugnayan ng pulisya at kabataan tungo sa isang maunlad na pamayanan.
Source: PCAD Course Class “Masikhay” 08-2022
Panulat ni Police Staff Sergeant Grace Neville Ortiz
