Leyte – Masayang isinagawa ng mga tauhan ng Matag-ob Municipal Police Station ang Feeding Program at Gift Giving Activity na ginanap sa Brgy. Cambadbad, Matag-ob, Leyte nitong Sabado ng umaga, Nobyembre 19, 2022.
Ang aktibidad ay pinangunahan ni Police Major Arturo A Salvacion Jr, Acting Chief of Police ng Matag-ob MPS bilang bahagi ng Revitalized PNP KASIMBAYANAN program at pagdiriwang ng National Children’s Month na aktibong sinuportahan ni Hon. Fe V Sosmeña, Brgy. Chairman kasama ang iba pang opisyal ng barangay at mga residente.
Nakatanggap ng food packs at inumin ang humigit kumulang 50 na mga kabataan ng nasabing barangay.
Maliban dito ay nabigyan din sila ng mga bagong pares ng tsinelas.
Mababakas naman sa mukha ng mga bata ang tuwa at saya nang makatanggap ng munting regalo mula sa ating mga kapulisan.
Ang naturang aktibidad ng Matag-ob MPS ay kaugnay sa Peace and Security Framework ng Pambansang Pulisya, ang MKK=K o Malasakit, Kaayusan, Kapayapaan tungo sa Kaunlaran upang mapanatili ang magandang ugnayan ng PNP at komunidad.
