Caloocan City – Masayang nakilahok ang mga kabataan ng Brgy. 171 Sitio Paradise Bagumbong, Caloocan City sa isinagawang feeding at gift giving activity ng Regional Mobile Force Battalion ng NCRPO nito lamang Sabado, Abril 22, 2023.
Ang nasabing aktibidad ay pinangunahan ng RMFB sa pamumuno ni Police Colonel Jonathan Calixto, Force Commander ng RMFB kasama ang Kids for Hope Foundation sa pangangasiwa ni Pastor Eduardo De Vera Jr.
Namahagi ang grupo ng mainit na lugaw at namigay ng mga laruan para sa mga batang nakiisa sa nasabing programa.
Ang aktibidad na ito ay naglalayong mapakain ang mga kapus-palad na mga bata at palakasin ang maayos na relasyon ng pulisya at ng komunidad.
Source: RMFB NCRPO
Panulat ni PSSg Remelin M Gargantos
