Pangasinan – Arestado ng Sta. Barbara Municipal Police Station ang isang lalaki na may kasong Robbery sa Brgy. Poblacion, Sta. Barbara, Pangasinan nito lamang ika-28 ng Setyembre 2023.
Kinilala ni Police Lieutenant Colonel Jun Wacnag, Hepe ng Sta. Barbara Municipal Police Station, ang suspek na si Mark Anthony Fernandez a.k.a. Mak-Mak, 27, isang factory worker, may asawa at residente ng Brgy. Botao, Sta. Barbara, Pangasinan.
Ayon kay Police Lieutenant Colonel Wacnag, nahuli ang suspek bandang 12:30 ng tanghali dahil sa isinagawang manhunt operation ng mga tauhan ng Sta. Barbara Police Station.
Ang suspek ay naaresto sa bisa ng Warrant of Arrest sa kasong Robbery under Article 294 na may kaukulang piyansa na nagkakahalaga ng Php100,000.
Sinisiguro ng Pambansang Pulisya na lalo pang palakasin ang kampanya laban sa kriminalidad para mapuksa ang mga kriminal at magkaroon ng payapa at maayos na bansa.
Source: Sta. Barbara MPS
Panulat ni PSSg Robert Basan Abella Jr
