Sulu – Boluntaryong isinuko ng isang concerned citizen ang kanyang expired license na baril sa Indanan Municipal Police Station sa Brgy. Kajatian, Indanan, Sulu noong Mayo 15, 2023.
Kinilala ni Police Major Edwin Sapa, Chief of Police ng Indanan MPS, ang nagsuko ng baril na isang kasapi ng Philippine Army na kasalukuyang nakatalaga sa 11 Infantry Division sa Camp Teodolo Bautista, Bus-Bus, Jolo, Sulu.
Malugod namang tinanggap ni PEMS Jojit Sappari, Operation PNCO, ang isang yunit ng Caliber .45 pistol (NORINCO) na may kasamang isang magazine.
Ito ay resulta sa pinaigting na pagpapatupad ng Oplan Katok sa kanilang nasasakupan. Dagdag pa, piniling isuko muna ang nasabing baril para mapangalagaan ng maayos habang nasa proseso pa ang kanyang pagrerehistro dito.
Patuloy naman na nagpapaalala ang Pambansang Pulisya ng Pilipinas sa mga gun owners na siguruhing may kaukulang dokumento ang mga baril na pagmamay-ari nila para hindi humantong sa pagkakakulong at kung may “unregistered firearms” o “expired license” naman ay maaaring makipag-ugnayan sa pinakamalapit na himpilan ng pulisya kung nais nila itong isuko.
Panulat ni Pat Mark Vincent Valencia
