Guimaras – Isang babaeng estudyante ang nakararanas ng Hyperventilation o biglaang paghirap sa paghinga kung kaya’t ito ay nagresulta ng kanyang pagkahimatay na nangyari sa Sta. Teresa National High School, bandang 10:45 ng umaga nitong ika-17 ng Marso 2023.
Mabilis namang nirespondehan ng PCADU Guimaras Police Provincial Office ang naturang insidente at agarang dinala ang babaeng estudyante sa pinakamalapit na hospital upang mabigyan agad ng paunang lunas.
Makikita sa larawan si PMSg Jolito Aloquina, driver ng naturang sasakyan at iba pang tauhan ng Guimaras PPO sa kanilang pagdala ng naturang estudyante sa ospital, buti na lamang at naging maagap ang ating kapulisan sa pagresponde.
Ang ipinakitang kabutihan ng kapulisan ng Guimaras ay patunay na ang pagtulong sa kapwa ay walang pinipiling oras at panahon.
