Timbog ng pulisya ang isang 19 anyos na estudyante nang mahulihan ng baril at bala sa Tuao, Cagayan nito lamang ika-27 ng Hulyo 2024.
Ayon sa ulat ng Tuao Police Station, bandang alas 8:00 ng gabi nang makatanggap sila ng tawag mula sa isang Barangay Kagawad na nakita umano nitong may hawak na baril ang isang indibidwal na kilala bilang “alyas Ken”.
Agad na umaksyon ang mga tauhan ng pulisya ng Tuao Police Station at nagtungo sa iniulat na lugar at doon nga ay inaresto ang suspek matapos walang maipakitang anumang legal na dokumento sa pagdadala at pagmamay-ari ng isang .45 caliber Taurus pistol na may kasama na limang magasin at 31 piraso ng bala na nakumpiska mula sa kanyang kontrol at pagmamay-ari.
Ang suspek ay nahaharap sa kasong paglabag sa Republic Act 10591 o ang batas laban sa ilegal na pagmamay-ari ng baril at bala.
Patuloy naman ang Pambansang Pulisya sa pagpapatupad ng mga batas kontra kriminalidad at mas papaigtingin ang pagbabantay para sa seguridad ng pamayanan tungo sa mapayapa at maunlad na Bagong Pilipinas.
Source: Tuao Police Station
Panulat ni Pat Micah A Enriquez
