Bilang bahagi ng kampanyang Ligtas Sumvac 2025, mas pinaigting ang seguridad sa mga pangunahing tourist destinations sa Cebu sa pamamagitan ng patuloy na pagpapatrolya at pagpapalakas ng police visibility ng mga kapulisan ng Tourist Police Unit.
Sa ilalim ng masigasig na pamumuno ni Police Major Ivy M. Bartolome, Chief ng Tourist Police Unit, Cebu Police Provincial Office, layunin ng inisyatibang ito na matiyak ang kaligtasan ng publiko, partikular ng mga lokal at dayuhang turista, habang ginugunita ang panahon ng bakasyon at pagdagsa ng mga bisita sa iba’t ibang pasyalan sa lungsod.
Kabilang sa mga ginagawa ng mga kapulisan ang regular na foot at mobile patrol, paglalagay ng assistance desks, at pagbibigay ng paalala sa publiko ukol sa mga safety tips habang nasa mga pampublikong lugar.
Ayon kay Police Major Bartolome, mahalagang maging aktibo at visible ang mga kapulisan sa mga lugar na dinarayo upang agad makaresponde sa anumang insidente at mapanatili ang kapayapaan upang masiguro ang ligtas at payapang bakasyon para sa lahat.
