Isinagawa ng mga tauhan ng Agusan del Norte Police Provincial Office sa pangunguna ni Police Colonel April Mark C. Young, katuwang ang Cabadbaran City Police Station, ang Enhanced Deployment Plan and Training Workshop na ginanap sa Gazebo Pool, Barangay 9, Cabadbaran City, Agusan del Norte nito lamang Pebrero 18, 2025.
Nagsilbing panauhing instruktor si Police Lieutenant Colonel Agustin Navarro, Deputy Chief ng Regional Operations Division, na nagbahagi ng kanyang kaalaman tungkol sa patrol operations sa iba’t ibang tauhan ng PNP mula sa Mobile Force Companies, Municipal Police Stations, at kani-kanilang Local Government Units (LGUs).
Bukod dito, pinangunahan ni Police Major Randy B. Abunda, Chief of Police ng Cabadbaran CPS, ang pagpapakilala at demonstrasyon ng paggamit ng Zello application upang mapalakas ang kakayahan ng mga dumalo sa makabagong sistema ng komunikasyon sa pagpapatrolya ng kapulisan.
Ang aktibidad na ito ay bahagi ng isang mahalagang programa na naglalayong gawing mas epektibo ang pagtugon ng PNP sa mga emergency at kritikal na sitwasyon na nangangailangan ng agarang aksyon.
Sa pamamagitan ng integrasyon ng Zello application, ginagawa ng PNP ang isang makabuluhang hakbang upang mapabuti ang kakayahan sa pagtupad ng kanilang misyon na maglingkod at maprotektahan ang sambayanang Pilipino nang may husay at dedikasyon.
“As public servants, we should carry out our responsibilities with commitment, vigilance, and integrity. Let’s work to save lives, prevent crimes, and promote a sense of safety in our community. Together, let us approach this workshop with the same seriousness we apply to our mission, making our province a safer and more secure place for all,” ani PCol Young.
Panulat ni Pat Karen Mallillin
