Albay – Nakiisa ang mga miyembro ng Emergency Response Team ng Regional Mobile Force Battalion 5 sa isinagawang Sea Vessel caught on Fire with Drowning Victim Simulation Exercise sa Bacacay Port, Bacacay, Albay, nito lamang ika-7 ng Abril 2023.
Ang naturang aktibidad ay pinangunahan ng Bacacay Municipal Police Station sa pamumuno ni Police Major Irvin Bellen, Chief of Police, kasama ang Emergency Response Team ng RMFB5 sa pamumuno ni Police Lieutenant Colonel Jefferson Araojo, Force Commander.
Katuwang din sa matagumpay na pagsasakatuparan ng aktibidad ang lokal na pamahalaan ng Bacacay, Municipal Disaster Risk Reduction and Management Office – Bacacay, Philippine Coastguard at Bureau of Fire Protection.
Ito ay alinsunod sa komprehensibong kampanya ng PNP na M+K+K=K (Malasakit, Kaayusan at Kapayapaan tungo sa Kaunlaran) at Ligtas SumVac (Summer Vacation) 2023 na naglalayong mapahusay ang kahandaan at linangin ang kakayahan ng mga rescuers sa pagtugon sa anumang sakuna.
Ang Pambansang Pulisya ay patuloy na makikiisa sa pagbibigay halaga at paglulunsad ng mga hakbang at inisyatibo upang matiyak ang maayos, ligtas, de kalidad at maaasahang serbisyo sa anumang oras, araw at pagkakataon.
Source: Regional Mobile Force Battalion 5
