Inanunsyo ng Embahada ng Pilipinas sa Korea ang paglahok nito sa World Police Uniform Exhibition na gaganapin sa Oktubre 21-23, 2021 sa Incheon Songdo Convensia Center sa South Korea.
Ito ay may kaugnayan sa pagdiriwang ng ika-76 National Police Day.
Itinurn-over ni H.E. Ambassador-designate Ma. Theresa B. Dizon-De Vega ang dalawang (2) set ng uniporme ng Philippine National Police (PNP) kay Multiculture Museum Director Kim Yun Tae. Naging saksi naman sa aktibidad ang Director of Education ng Multiculture Museum na si Scholten Geert Willem, Vice Consul Reisha Olavario, at Political Assistant Vivienne Velasquez.
Ang naturang uniporme ay nagmula sa PNP na ibibida sa gaganaping exhibition.
Malaking oportunidad para sa ating bansa ang World Police Uniform Exhibition upang ibida at bigyang-aral ang Korean nationals hinggil sa PNP at ang ambag nito sa pag-unlad at pagiging matatag ng ating bansa.
Sinabi rin ni Ambassador-designate De Vega kay Director Kim na bukas ang Philippine Embassy sa makipagtulungan para sa posibleng pagkakaroon ng PH cultural exhibitions, gayundin ang pagsuporta ng Embahada sa mga proyekto ng Multiculture Museum.
Samantala, iprinisinta ni Ambassador-designate De Vega kay Museum Director Kim ang T’nalak, isang tradisyunal na tela sa Pilipinas na itinuturing na espesyal dahil sa kakaibang proseso ng pagtatahi nito.
#####
Article by Police Corporal Josephine T Blanche
