Borongan City – Arestado ng mga tauhan ng Criminal Investigation and Detection Group 8 ang Top 8 Most Wanted Person ng Eastern Samar para sa kasong Statutory Sexual Assault (2 counts) at Sexual Assault (2 counts) sa Brgy. Maypangdan, Borongan City, Eastern Samar noong Lunes, Agosto 1, 2022.
Kinilala ni Police Major Orlando Silla, Officer-In-Charge ng CIDG Eastern Samar Provincial Field Unit, ang naaresto na si Nestor Gaylon y Basiledes, 62, walang trabaho at residente ng Taft, Eastern Samar.
Ayon kay PMaj Silla, bandang 1:00 ng tanghali naaresto si Gaylon sa bisa ng Warrant of Arrest sa inilunsad na manhunt operation ng mga operatiba ng CIDG Eastern Samar PFU kasama ang Provincial Intelligence Unit Eastern Samar PPO, Eastern Samar-Maritime 8, at Taft Municipal Police Station.
Nahaharap ang akusado sa kasong 2 counts Statutory Sexual Assault at 2 counts Sexual Assault na bawat isa ay may Php200,000 na inirekomendang piyansa para sa kanyang pansamantalang kalayaan.
Hinihikayat naman ng mga kapulisan ang publiko at mamamayan na patuloy na suportahan ang PNP sa pagsugpo at paglaban sa anumang klase ng kriminalidad sa lipunan.
###
Panulat ni Patrolwoman Rialyn B Valdez
