Eastern Samar – Nakiisa ang mga tauhan ng Eastern Samar Police Provincial Office sa isinagawang Book Donation Drive sa Brgy. Locsoon, Borongan City, Eastern Samar nitong ika-1 ng Pebrero 2023.
Ang aktibidad ay pinangunahan ng Humanitarian Order of Sierra Falcones, Inc., na pinamumunuan ni Ms. Allen Beverly Anire kasama ang Eastern Samar PPO sa ilalim ng pangangasiwa ni Police Colonel Matthe L Aseo, Provincial Director.
Nakatanggap ng libreng libro ang mga mag-aaral na kumukuha ng medical related courses ng Our Lady of Mercy College.
Ang mga libro at ilang learning materials na nagkakahalaga ng tinatayang Php2,000,000 ay gagamitin ng mga medical students na nag-aaral sa larangan ng Nursing at Midwifery.
Ang inisyatibo ng Humanitarian Order of Sierra Falcones, Inc., kasama ang Philippine National Police ay isang book-giving assistance program na naglalayong magbigay ng mga libro at iba pang materyal na pang-edukasyon sa mga medical students na nahihirapan sa buhay ngunit sabik na makakuha ng medical degree.
