Eastern Samar – Aktibong nakiisa ang mga tauhan ng Eastern Samar Police Provincial Office sa isinagawang Simultaneous Mangrove Planting Activity sa coastal vicinity ng Brgy. Punta Maria, Airport, Borongan City, Eastern Samar, noong Setyembre 30, 2023.
Ito ay pinangunahan ni Police Lieutenant Colonel Mary Jane Cordero, C, ESPFU, sa ilalim ng direktang pangangasiwa ni Police Colonel Jose Manuel Payos, Provincial Director ng Eastern Samar PPO, kasama ang Borongan Rotary CLUB, Borongan DENR, Philippine Army at ESSU ROTC.
Nakapagtanim ang mga kalahok ng 120 mangrove trees sa kahabaan ng coastal vicinity ng nabanggit na lugar.
Ang aktibidad na ito ay naglalayong isulong ang kamalayan sa kapaligiran at hikayatin ang publiko na maging maagap sa kanilang tungkulin bilang mabuting mamamayan sa muling pagdadagdag sa mga bumababang bilang ng bakawan sa mga dalampasigan at pagtugon sa walang katapusang problema ng polusyon sa basura.
Ang aktibidad ay alinsunod sa 5-Focused Agenda at PNP core values na Makakalikasan na may layunin itong panatilihin ang kagandahan ng baybayin, pahalagahan ang mga punongkahoy na nagsisilbing panangga sa bagyo, landslide o baha, at mapangalagaan ang yaman ng karagatan.
