Gerona, Tarlac – Nagsagawa ang mga tauhan ng Gerona PNP ng Earthquake Drill 2022 sa Amacalan Integrated School, Barangay Amacalan, Gerona, Tarlac nito lamang Lunes, Agosto 8, 2022.
Ang naturang aktibidad ay pinangunahan ni Police Lieutenant Colonel Jovy P Arceo, Chief of Police ng Gerona Municipal Police Station kasama ang Municipal Disaster Risk Reduction and Management Office, Barangay Officials, Barangay Peacekeeping Action Teams (BPATs), mga guro ng nasabing paaralan, mag-aaral at kanilang mga magulang.
65 na indibidwal ang nakibahagi sa Earthquake Drill 2022 at malaking tulong ito sa mga mag-aaral at guro bilang paghahanda na rin sa nalalapit na pasukan.
Layunin ng aktibidad na maiwasan ang panganib na dulot ng sakuna at masiguro ang kaligtasan ng mga mamamayan.
Source: Gerona MPS
###
Panulat ni PCpl Jeselle V Rivera
