Umarangkada ang pagbibigay serbisyo ang South Cotabato Police Provincial Office (SCPPO) sa pamumuno ni Acting Provincial Director, PCol Nathaniel G Villegas sa ilalim ng programang Duterte Legacy: BARANGAYanihan Caravan Towards National Recovery na isinagawa sa SCPPO Covered Court, Barangay Morales, Koronadal City, South Cotabato, araw ng Lunes, Oktubre 19, 2021.
Iba’t ibang law enforcement agencies at sangay ng pamahalaan ang lumahok dito upang magbigay ng serbisyong kinakailangan ng kanilang mga kababayan. Ilan sa mga ito ay ang South Cotabato Provincial Mobile Force Company (SCPMFC) na nagsagawa ng libreng sakay para sa mga dumalo sa nasabing aktibidad, TESDA, Criminal Investigation and Detection Group (CIDG) Provincial Office, South Cotabato PNP Crime Laboratory Office (SCPCLO), Human Rights Office, Women and Children Protection Desk (WCPD), Philippine Drug Enforcement Agency (PDEA) na nagsagawa ng pagtuturo patungkol sa crime prevention at awareness katuwang ng anti-carnapping tips, Philhealth, at South Cotabato Highway Patrol Team (SCHPT) na nagbigay ng motor vehicle verification, clearance, at iba pang services na pwedeng ibigay ng kanilang opisina.
Dumalo rin sa nasabing aktibidad si Technical Education and Skills Development Authority (TESDA), Provincial Director Engr. Alfredo B. Panuela, mga pinuno ng tanggapan at kinatawan ng iba’t ibang ahensya ng gobyerno, at mga benepisyaryo mula sa Lingkod Bayan Advocacy Support Groups at sektor ng mga kababaihan.
Maliban dito, sa ilalim din ng kanilang programang BARANGAYanihan KAPATID o Kapulisan at Pamayanan Tutungo sa Iisang Damayan, mahigit sa 100 beneficiaries ang nakatanggap ng food packs na kanilang ipinamahagi.
Ipinapakita ng Duterte Legacy: BARANGAYanihan Caravan Towards National Recovery ang pagtutulungan ng lahat ng mga ahensya ng gobyerno pati na rin ang mga volunteers mula sa pribadong sektor at lahat ng nais na tumulong sa programa upang mabigyan ang mga mamamayan ng lugar ng mabilis na access sa mga pangunahing serbisyo ng pamahalaan sa ilalim ng “Whole of the Nation Approach”.
#####
Article by Police Corporal Mary Metche A Moraera
