La Trinidad, Benguet – Matagumpay ang isinagawang Duterte Legacy Caravan ng PNP Cordillera sa Camp Bado Dangwa, La Trinidad, Benguet nito lamang Biyernes, Abril 22, 2022.
Ang programa ay pinangunahan ni Police Brigadier General Ronald Lee, Regional Director ng Police Regional Office Cordillera at dinaluhan ni Police Lieutenant General Rhodel Sermonia, Deputy Chief PNP for Administration na siyang focal person ng nasabing programa kasama si PNP Deputy Director of Police Community Relations, Police Brigadier General Arnel Amor Libed.
Katuwang sa aktibidad ang National Coalition of Advocacy Support Group and Force Multipliers at ang iba’t ibang ahensiya ng pamahalaan na nagbigay ng kanilang basic services sa mahigit kumulang isang libong katao na dumalo sa nasabing caravan.
Dumalo rin sa aktibidad at nagbigay testimonya ang isa sa dating miyembro ng Communist Terrorist Group kung saan isinalaysay niya ang kanyang hindi magandang naging karanasan nang siya ay sumama sa grupo.
Bukod pa rito, nagbigay mensahe at ibinida ng mga kinatawan ng Kabataan Kontra Droga at Terorismo (KKDAT), National Intelligence Coordinating Agency (NICA), Department of Interior and Local Government (DILG) at Department of Social Welfare and Development (DSWD) ang matagumpay na mga nagawa at mga epektibong pamamaraan ng kasalukuyang administrasyon upang labanan at tugunan ang problema lalo na pagdating sa ilegal na droga at insurhensiya sa ating bansa.
Hinikayat ang mga mamamayan na makiisa at makipagtulungan sa adbokasiya ng PNP para sa maayos, tahimik at progresong pamayanan.
###
