Malabon City — Matagumpay na isinagawa ng Malabon City Police Station ang Duterte Legacy Caravan kasama ang iba’t ibang ahensya ng gobyerno sa Covered Court ng Sanciangco St., Barangay Catmon, Malabon City, bandang 9:30 ng umaga ng Huwebes, ika-28 ng Abril 2022.
Nanguna sa naturang caravan ang Hepe ng Malabon na si Police Colonel Albert Barot kasama si Police Colonel Milo Pagtalunan, Deputy District Director ng Northern Police District.
Naroon rin ang ahensya ng Department of the Interior and Local Government, City Social Welfare Development (CSWD), DSWD-NCR, Public Employment Service Office (PESO), TESDA, katuwang sina Dr. Elizabeth Bilas Marcelo, Dr. Ligaya Taoingan Latoreno, Dr. Abraham San Juan Gan, Dr. Norman Candelaria Esteban at mga stakeholders.
Ang mga nakilahok na ahensya ay nagpaabot ng kanilang serbisyong publiko sa mga residente gaya na lamang ng pamamahagi ng 200 food packs, pagbibigay impormasyon para sa mga naghahanap ng trabaho, availment ng Senior Citizens ID at mga programa para sa mga Senior Citizens, pamimigay ng mga gamot at bitamina, free medical check-up, at libreng gupit.
Naging bahagi rin sa aktibidad ang Livelihood Program ng TESDA tungkol sa organic concoction and vegetable production, at paggawa ng fabric conditioner at dishwashing liquid na pwedeng pagkakitaan.
Umabot sa 300 katao ang naging benepisyaryo ng naturang programa.
Ipinarating naman ni Police Colonel Barot na ang Malabon PNP ay patuloy na magpapaabot ng tulong sa mga kababayan natin at maipadama sa kanila ang malasakit ng ating pamahalaan.
Source: Malabon CPS PIO
###
Panulat ni PSSg Remelin Gargantos
