Aglipay, Quirino – Matagumpay na nagsagawa ng Duterte Legacy Caravan ang Quirino PNP sa Barangay Ligaya, Gymnasium Aglipay, Quirino nito lamang Linggo, May 1, 2022 na may temang “Pulisya Saludo sa ating Manggagawa’’.
Ito ay pinangunahan ni Police Colonel Rommel Rumbaoa, Provincial Director ng Quirino Police Provincial Office kasama si Police Major Ricardo Salada, Deputy PCADU at iba pang mga tauhan ng Quirino PPO.
Ayon kay PCol Rumbaoa, katuwang sa aktibidad ang ilang ahensya ng pamahalaan gaya ng DILG, DOH, TESDA, NICA at NCIP na nagbigay ng kanilang handog serbisyo gayundin ang pagbabahagi ng kaalaman sa kanilang nakalatag na programa ng pamahalaan.
Ayon pa kay PCol Rumbaoa, nagsagawa ang Quirino PNP ng libreng gupit, free legal consultation, free checked car/motor clearance mula sa HPG, “live band” bilang entertainment, outreach program na may 100 benepisyaryo.
Nagkaroon din ng Unity Walk na nilahukan ng KKDAT Quirino Chapter sa pangunguna ni Jessa Mae Arios, Barangay Force Multipliers Aglipay, Quirino kasama ang mga tauhan ng Quirino PPO.
Nagsagawa din ng Physical Dance Fitness (Zumba) ang mga tauhan ng Regional Police Community Affairs and Development Unit 2
Patuloy naman ang PNP at iba’t ibang ahensya ng pamahalaan sa pagtaguyod ng Whole of the Nation Approach upang maihatid at maramdaman ng mga mamamayang Pilipino ang mga serbisyo at programa tungo sa kapayapaan at pag-unlad ng bawat isa at ng bansa.
###
Panulat ni Police Corporal Jermae D Javier
