Rizal, Cagayan – Nagsagawa ng Duterte Legacy Caravan ang Cagayan PNP sa Minanga, Rizal, Cagayan nito lamang Hunyo 14, 2022.
Ayon kay Police Colonel Renell Sabaldica, Provincial Director, Cagayan Police Provincial Office, napili ang naturang barangay dahil isa ito sa mga malayo at liblib na lugar sa lalawigan ng Cagayan.
72 pamilya ang nakatanggap ng mga relief goods, gamot, bitamina, hygiene kits, COVID-19 kits, tsinelas, iba’t ibang klase ng seedlings, at iba pang mga development programs ng iba’t ibang ahensya ng pamahalaan.
Nagkaroon din ng libreng tuli, free medical check-up at libreng gupit.
Naghatid naman ng mainit na lugaw ang Rizal Police Station katuwang ang My Brothers happy Keeper Life Coaches sa mga benepisyaryo.
Samantala, nagbahagi naman ng oryentasyon ang National Intelligence Coordinating Agency (NICA) upang isiwalat ang panlilinlang ng mga makakaliwang grupo at imulat ang mga mata ng mga residente ng nabanggit na barangay para hindi sila mabiktima ng maling paniniwala ng komunistang grupo.
Laking tuwa at pasasalamat ang tugon ng mga benepisyaryo sa handog na tulong ng PNP at iba’t ibang ahensya ng pamahalaan.
Hangad ng aktibidad na abutin ang mga liblib at malalayong lugar upang ipaabot ang mga programa ng pamahalaan at iparamdam sa mga residente na ang gobyerno ay handang tumulong at sumuporta sa kanila.
Source: Cagayan Police Provincial Office
###
Panulat ni Police Corporal Carla Mae P Canapi
