Iligan City – Arestado ang isang lalaki na kasama sa watch listed matapos maaktuhan sa pagdadala ng ilegal na droga sa isinagawang checkpoint operation ng Iligan City PNP sa Purok 18, Brgy. Tomas, Cabili, Iligan City nito lamang ika-5 ng Nobyembre 2023.
Kinilala ni Police Major Rorye Tabuclin, Station Commander ng Iligan City Police Station 2, ang watch listed na suspek na si alyas “Wilmor”, 40 anyos at residente ng GK Mission Ville, Brgy. Tibanga, Iligan City.
Bandang 1:50 ng hapon nang isinagawa ang checkpoint operation ng mga tauhan ng Iligan City Police Station 2 nasita ang suspek dahil sa walang suot helmet na nagresulta sa pagkakaaresto sa suspek matapos naaktuhang nagtapon ng hinihinalang pakete ng shabu mula sa kanyang bulsa.
Sa naturang operasyon nakumpiska ang dalawang pakete na hinihinalang shabu na may Standard Drug Price na Php34,000.
Nahaharap ang suspek sa kasong paglabag sa Sec 11 at Art II ng RA 9165 o Comprehensive Dangerous Drugs Act of 2002.
Patuloy ang Iligan City PNP sa pagsasagawa ng mga operasyon laban sa anumang uri ng kriminalidad upang mapanatiling payapa at ligtas ang nasasakupang lungsod.
