Nagsagawa ang mga tauhan ng Toledo City Police Station sa pamumuno ni Police Lieutenant Colonel Wilfredo I Alarcon Jr. ng Drug Symposium sa Barangay Calong-Calong, Toledo City, Cebu noong ika-20 ng Oktubre 2024.
Ang symposium ay bahagi ng pinaigting na kampanya ng pamahalaan laban sa ilegal na droga na nakatutok sa pagpapalaganap ng kamalayan sa mga komunidad.
Binibigyang-diin ng mga tagapagsalita na ang droga ay hindi lamang isang personal na problema kundi isang suliraning panlipunan na nangangailangan ng kooperasyon ng bawat isa. Ang mga ganitong aktibidad ay mahalaga upang makamtan ang isang mas ligtas at mas maayos na lipunan.
Ang aktibidad na ito ay kaakibat ng layunin ng “Bagong Pilipinas” na isinusulong ng administrasyon, kung saan tinutukan ang pagpapabuti ng buhay ng bawat Pilipino. Ang pagtutulungan ng mga mamamayan at ng kapulisan ay isang mahalagang hakbang tungo sa pagbuo ng isang mas maunlad, malinis, at ligtas na bansa.
Source: Toledo City PNP
