Cebu City – Tiklo ang 43-taong gulang na drug suspek sa Cebu City matapos makumpiskahan ng nasa 20 gramo ng shabu na nagkakahalaga ng Php136,000 sa buy-bust operation ng Police Station 1 ng Cebu City Police Office sa Sitio Riverside, Brgy. Lorega San Miguel, Cebu City noong Miyerkules, Abril 26, 2023.
Ayon kay Police Major Henry Orbiso, Police Station 1 Commander, dakong alas-6:30 ng gabi ng ikasa ng mga awtoridad ang operasyon sa suspek na kinilalang si ‘Batchoy’, residente ng nasabing barangay.
Agad namang naaresto ang suspek matapos makabili ng droga ang nagpanggap na poseur buyer.
Nahaharap ang suspek sa patung-patong na reklamo na kaugnay sa ilegal na droga.
Patuloy naman ang buong kapulisan ng Cebu City sa pagpapaigting at pagpapahusay ng kanilang mga hakbangin upang lutasin ang problema sa ilegal na droga maging sa lahat ng uri ng kriminalidad para sa kaayusan at kapayapaan ng komunidad.
