Occidental Mindoro – Timbog ang isang drug suspek sa isinagawang buy-bust operation ng San Jose MPS at Regional Police Drug Enforcement Unit (RPDEU) sa Brgy. Pag-asa, San Jose, Occidental Mindoro noong ika-27 ng Agosto 2023.
Kinilala ni Police Lieutenant Colonel Michael Donald Carnoso, Acting Chief of Police ng San Jose MPS, ang suspek na may alyas na “Cheaster”, 34 at residente ng San Jose Occidental Mindoro bilang isang Street Level Individual (SLI).
Ayon kay PLtCol Carnoso, naaresto ang suspek ng pinagsanib na puwersa ng Municipal Drug Enforcement Unit ng San Jose Municipal Police Station at Regional Police Drug Enforcement Unit (RPDEU).
Nahaharap sa kasong paglabag sa Republic Act 9165 o Comprehensive Dangerous Drugs Act of 2002 ang suspek matapos mabilhan ng hinihinalang ilegal na droga na tinatayang may timbang na 0.084 gramo kapalit ang Php1,000 mula sa nagpanggap na poseur buyer.
Narekober rin mula sa suspek ang pera na ginamit bilang buy-bust money, isang coin purse at dalawa pang plastic sachet ng hinihinalang shabu na may timbang na humigit kumulang 0.191 gramo.
Ang tagumpay ng operasyon ay resulta ng serbisyong nagkakaisa at pagtutulungang ng iba’t ibang ahensya kasama ang mamamayan at ang lalo pang pagpapaigting ng pagpuksa sa ilegal na droga sa lalawigan ng Occidental Mindoro base na rin sa derektiba ni Police Colonel Jun Dexter Danao, Provincial Director ng Occidental Mindoro Police Provincial Office upang patuloy na magkaroon ng kaayusan at kapayapaan ating bansa.
Panulat ni Patrolman Erwin Calaus
