Isulan, Sultan Kudarat (February 21, 2022) – Nagsagawa ng buy-bust operation ang mga tauhan ng Drug Enforcement Unit (DEU) ng Isulan Municipal Police Station sa Doming’s upholstery sa Purok Gregorio, Barangay Kalawag 3, Isulan, Sultan Kudarat na nagresulta sa pagkakaaresto sa isang suspek.
Ayon sa ulat, nakabili ang isang pulis na umaktong puseur-buyer ng isang pirasong sachet na naglalaman ng shabu mula sa suspek saka sinagawa ang operasyon.
Sa pagsasagawa ng body search, narekober sa suspek ang isang (1) pirasong Php1,000 na ginamit bilang marked money at limang (5) pirasong sachet ng shabu.
Ang mga nasamsam na anim (6) na pirasong sachet ng shabu ay may kabuuang timbang na 0.4750 gramo at may street market value na nagkakahalaga ng Php10,000.
Ang naarestong suspek at nasamsam na mga ebidensya ay dinala sa Isulan MPS para sa kaukulang disposisyon bilang paghahain sa kasong paglabag sa Section 5 at Section 11 ng Art II ng RA 9165.
Samantala, tiniyak naman ni PLtCol Gary Flor Marfil, Officer-In-Charge, Isulan MPS, na mananatiling tutok ang Isulan Municipal Police Station sa kanilang kampanya laban sa ilegal na droga at kriminalidad para mapanatili ang kapayapaan at kaayusan sa kanilang nasasakupan.
Source https://m.facebook.com/story.php?story_fbid=999213810803976&id=100021461000107
###
Panulat ni Patrolman Khnerwin Jay A Medelin
