Tiklo ang isang 26 anyos na tulak ng ilegal na droga sa isinagawang drug buy-bust operation ng mga awtoridad sa Purok Capilar, Barangay Poblacion, President Quirino, Sultan Kudarat nito lamang Nobyembre 1, 2024.
Kinilala ni Police Major Joemari Y Cua, Hepe ng President Quirino Municipal Police Station, ang naarestong suspek na si alyas “Aznhur”, binata, walang trabaho, at residente ng Barangay Lower Edtig, General SK Pendatun, Maguindanao Del Sur.
Ganap na 12:20 ng hating gabi nang ikasa ang operasyon sa pinagsanib ng mga operatiba ng President Quirino MPS, Sultan Kudarat Provincial Police Office, at sa pakikipag-ugnayan sa PDEA 12.
Nakabili sa suspek ang umaktong poseur buyer ng isang piraso ng silyadong plastik ng hinihinalang shabu kapalit ang marked money.
Matapos ang transaksyon, agad na inaresto ang suspek at kinapkapan ng mga operatiba at narekober ang ilan pang pakete ng hinihinalang shabu na may kabuuang bigat na 4.42 na gramo na may tinatayang halaga na Php30,000, buy-bust money at iba pang non-drug items.
Mahaharap naman ang naarestong suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang Sultan Kudarat PNP ay sinisiguro ang kaayusan at katahimikan ng ating pamayanan.
Panulat ni Patrolman Khnerwin Jay Medelin
