Arestado ang 47 taong gulang na tulak ng droga sa Cebu City matapos ang inilunsad na buy-bust operation ng City Intelligence at Drug Enforcement Unit ng Cebu City Police Office (CCPO) sa A. Soriano Ave., Brgy. Carreta, Cebu City noong Biyernes, Enero 20, 2023.
Kinilala ni Police Colonel Ireneo Dalogdog, City Director, ang naaresto na si alyas “Jikoy”, residente ng Sitio Riverside, Brgy. Hippodromo, Cebu City.
Nakumpiska sa suspek ang nasa 10 piraso ng small heat-sealed transparent sachet ng hinihinalang shabu na may bigat na 10 gramo at nagkakahalaga ng nasa Php68,000.
Ang suspek ay nahaharap sa kasong paglabag sa Sec. 5 at 11, Art. II ng RA 9165.
Siniguro ng CCPO na ang maayos at matagumpay na kampanya kontra ilegal na droga ay kanilang pang pagbubutihin at mas paiigtingin upang tuluyang masawata ang naturang problema sa lungsod para sa kaayusan, kaligtasan, at kapayapaan ng komunidad.
