Zamboanga – Arestado ang isang tylak ng droga sab isa ng Warrant of Arrest ng mga operatiba ng Zamboanga International Airport Police Station (ZIAPS) at ng Zamboanga City Police Station 9 (ZCPS9) hapon ng Pebrero 9, 2023 sa Parking Area ng Zamboanga International Airport
Ayon sa hepe ng Intel ng ZIAPS na si Police Major Alexander S Cabanlong, nakipag-ugnayan ang ZCPS9 sa kanilang istasyon patungkol sa kanilang isinasagawang malawakang operational search and intelligence driven operations at kabilang dito ang paghain ng Warrant of Arrest ng isang lalaki na namamasukan bilang construction worker sa Parking Area ng paliparan.
Ang Case Tracker Team na pinangungunahan ni PCpt Mohaliden Layugan, Intel Operative at Warrant Server, kasama ang ZIAPS, ay nagsagawa ng Joint Intel-driven Law Enforcement Operations against Wanted Persons na nagbunga ng pagkakaaresto ng suspek sa paglabag sa Sec.5 at 11 ng RA 9165 o Comprehensive Dangerous Drugs Act of 2002 na walang inirekomendang piyansa.
Ang Direktor ng AVSEGroup ay ikinagalak ang epektibong pakikipagtulungan ng AVSEU9 upang mapagtagumpayan ang pagpapaigting sa kampanya kontra ilegal na droga sa ilalim ng Back-to-Basics Program na kanyang inilunsad sa kanilang unit.
“Ipagpatuloy natin ang pagpapaigting sa ating malawakang kampanya kontra kriminalidad, ilegal na droga, at korapsyon para sa kaligtasan ng ating mga kababayan. Let us continue to observe the basics and perform our job right” ani PBGen Anthony A Aberin, Direktor ng AVSEGroup.
