Arestado ng Barobo PNP katuwang ang PDEA 13 ang isang drug pusher sa isinagawang buy-bust operation sa Purok 4, Barangay Dughan, Barobo, Surigao del Sur bandang 7:20 ng gabi nito lamang Setyembre 18, 2024.
Kinilala ni Police Major Nurlsan T Muhadalam, Officer-In-Charge ng Barobo Municipal Police Station, ang suspek na si alyas “Dangas”, isang drug pusher, 43 taong gulang, may live-in partner, walang trabaho at residente ng Purok 3, Poblacion, Barobo, Surigao del Sur.
Sa operasyon, nakumpiska ang isang pakete ng hinihinalang shabu na buy-bust item; tatlong pakete ng hinihinalang shabu na pagmamay-ari ng naaresto na may kabuuang timbang na 9.2 gramo na nagkakahalaga ng Php62,560 at iba pang drug paraphernalia.
Naging matagumpay ang operasyon sa pangunguna ng mga tauhan ng Barobo Municipal Police Station na pinangunahan ni PMaj Muhadalam, katuwang ang PDEA Surigao del Sur Provincial Office sa pangunguna ni Intelligence Officer II Javelyn Anore, Regional Intelligence Division personnel at PSOG personnel.
Ang matagumpay na operasyon ay sumisimbolo ng determinasyon ng kapulisan sa patuloy na pagpapaigting ng laban kontra ilegal na droga at kriminalidad na isang hakbang sa pagpapanatili ng kaayusan at kapayapaan ng mamamayan tungo sa isang ligtas na Bagong Pilipinas.
Panulat ni Patrolwoman Karen Mallillin
