Eastern Samar – Arestado ng Eastern Samar PNP ang isang lalaking tulak ng droga sa buy-bust operation sa Brgy. Alang-alang, Borongan City, Eastern Samar noong Biyernes, Hulyo 22, 2022.
Kinilala ni Police Colonel Matthe L Aseo, Provincial Director ng Eastern Samar Police Provincial office, ang naaresto na si alyas “Pandoy”, 39, liaison sa pribadong kumpanya, residente ng Borongan City, Eastern Samar at kasama sa PDEA watch-listed illegal drug personality.
Ayon kay PCol Aseo, bandang 1:00 ng tanghali naaresto si alyas “Pandoy” ng mga operatiba ng Eastern Samar Police Provincial Office Drug Enforcement Unit, Borongan City Police Station at ng Philippine Drug Enforcement Agency.
Ayon pa kay PCol Aseo, nakabili ang mga operating unit ng isang pirasong small heat-sealed transparent plastic sachet na naglalaman ng white crystalline substance na hinihinalang shabu (subject of sale) at nakumpiska ang tatlong pirasong heat-sealed transparent plastic sachet na naglalaman ng white crystalline substance na hinihinalang shabu (subject of possession) na may tinatayang market value na Php21,000.
Nahaharap sa kasong paglabag sa RA 9165 o Comprehensive Dangerous Drugs Act of 2002 ang suspek.
Patuloy pa rin ang ginagawang operasyon ng PNP para tuluyang mahuli ang mga nagbebenta at gumagamit ng ilegal na droga at maging malaya ang bansa sa ipinagbabawal na gamot na sumisira sa kinabukasan ng mamamayan.
###
Panulat ni Patrolwoman Rialyn B Valdez
