Tacloban City – Timbog ng mga tauhan ng Tacloban City Police Station 3 ang isang drug personality sa isinagawang Anti-Illegal Drugs Operation sa Barangay 106 Sto. Niño, Tacloban City nitong Miyerkules, Enero 18, 2023.
Kinilala ni Police Captain Rando Moreno, Officer-In-Charge ng Tacloban City Police Station 3, ang naaresto na si alyas “Rap-Rap”, 31, at residente ng nasabing barangay.
Narekober sa possession at control ng suspek ang anim na piraso ng heat-sealed transparent plastic sachet na naglalaman ng white crystalline substance na hinihinalang shabu na may tinatayang halaga na Php34,000.
Ang suspek ay mahaharap sa kasong kriminal para sa paglabag sa Section 5 at 11 sa ilalim ng Article II ng R.A. 9165 o Comprehensive Dangerous Drugs Act of 2002.
Mensahe ni PCpt Moreno, “Ang mga operasyon laban sa ilegal na droga ay magpapatuloy nang walang tigil kahit na tayo ay abala sa iba pang pagpapatupad ng batas at mga tungkulin sa kaligtasan ng publiko dahil tayo ay nakatuon sa pagkamit ng ating layunin na maging isang drug free ang Tacloban City”.
