Dumaguete City, Negros Oriental – Nabuwag ng mga operatiba ng Dumaguete PNP ang drug den sa Negros Oriental kasabay ng pagkaaresto sa 6 na drug suspek sa Barangay Cadawinonan, Dumaguete City noong Miyerkules, Mayo 25, 2022.
Kinilala ni Police Colonel Germano P Mallari, Acting Provincial Director ng Negros Oriental Police Provincial Office ang nahuling drug suspek na sina Elviera A. Sabido, 68; Jickie C. Romano, 23; Christian Balasabas, 21; Jaype Bautista, 25; Kathlyn Maligdong, 40; at Rojim Tipay, 27.
Ayon kay PCol Mallari, ang matagumpay na operasyon ay bunga ng maayos na ugnayan ng mga miyembro ng PDEA Negros Oriental Provincial Office, Dumaguete City Police Station at MARPSTA Dumaguete City.
Ayon pa kay PCol Mallari, nakumpiska sa nasabing operasyon ang 7 pakete ng hinihinalang shabu na may timbang na humigit-kumulang 10 gramo na may tinatayang market value na Php68,000, buy-bust money, cash na aabot sa Php160, at iba’t ibang drug paraphernalia.
Ang mga naturang suspek ay nahaharap sa kasong paglabag sa RA 9165 o Comprehensive Dangerous Drugs Act of 2022.
Ang pagkakabuwag ng nasabing drug den ay isang malaking tagumpay sa mga awtoridad sa paniniwalang ito ang isa sa mga itinuturing na pinagmumulan ng karahasan, kriminalidad at pagkagambala ng kapayapaan at kaayusan ng naturang lugar ay tuluyan ng nawala.
###
