Isang drug den ang nabuwag at walong (8) suspek ang naaresto sa isinagawang buy-bust operation ng pinagsamang puwersa ng Special Operating Unit (SOU) 7, PNP Drug Enforcement Group kasama ang Station 11 ng Mambaling Cebu City Police Office sa Sitio Tinabangay, Brgy. Mambaling, Cebu City noong Oktubre 5, 2021.
Nakumpiska sa nasabing drug den ang mahigit kumulang 35.58 na gramo ng hinihinalang shabu na may tinatayang katumbas na Standard Drug Price na Php241,944.
Kinilala ang mga nahuling indibidwal na sina Kaypee Encorporado Pia, 31 taong gulang at residente ng Sitio Little Dalaguete, Baragay San Nicolas; Jesus Sayson Espina, 37 taong gulang at residente ng Sitio Kalubihan, Brgy. San Nicolas; Rexon Saavedra Eylaya, 37 taong gulang at residente ng Sitio Avocado, Brgy. Mambaling; John Paul Minoza Salgado, 40 taong gulang at resident ng 116 Spolarium Street, Duljo Fatima; Mathew Froilan Fabilona Aganan, 39 na taong gulang at residente ng Brgy. Sambag 1; Ramelisa Despues Donaire, 26 na taong gulang at residente ng Poro Camotes; Rosemarie Carillo Dela Cruz, 24 na taong gulang at residente ng Sitio Tinabangay, Brgy. Mambaling; at Junery Hermosilla Eran, 36 na taong gulang at residente ng Brgy. Bulacao, Cebu City.
Kabilang din sa mga nakumpiska ay ang isang (1) totoong Php500 bill kasama ang boodle money na ginamit bilang buy-bust money, dalawang (2) pirasong nakarolyo na aluminum tin foil, isang (1) improvised tooter, dalawang (2) ginamit na aluminum use tin foil, isang (1) gunting, tatlong (3) piraso ng ginamit na lighter, isang (1) yunit ng caliber 38 revolver, at apat (4) na piraso ng bala ng calliber 38 revolver.
Ang mga naarestong suspek at mga nakuhang ebidensya ay nasa ilalim na ng kustodiya ng SOU 7, PNP DEG para sa dokumentasyon at tamang disposisyon.
####
Article by Police Corporal Mary Metche A Moraera
