Calbayog City – Arestado ang limang High Value Individual at nabuwag ang isang drug den sa ikinasang Anti-Illegal Drugs Operation ng mga otoridad sa Brgy. Hamorawon, Calbayog City, Samar, nito lamang Setyembre 1, 2023.
Kinilala ni Police Lieutenant Colonel Joy Leanza, Officer-In-Charge ng Calbayog CPS, ang mga suspek na sina Irene, 42; Loren, 23; Raffy, 33; alyas Buldog, 34; at Arnold, 52; mga High Value Individual at pawang mga residente ng Brgy. Ilo, Sto. Niño, Samar.
Bandang 4:34 ng hapon nang ikinasa ang operasyon sa pangunguna ng Calbayog City Police Station kasama ang mga operatiba ng PDEU-Samar PPO, 125SAC,12SAB, PNP-SAF at PDEA 8-Samar Provincial Office.
Naaresto ang mga suspek matapos mahuli sa aktong pagbebenta ng hinihinalang shabu sa nagpanggap na poseur buyer ng mga operatiba.
Nakumpiska mula sa mga suspek ang tatlong pakete na naglalaman ng hinihinalang shabu na may tinatayang timbang na 50 gramo at nagkakahalaga ng Php350,000.
Kasama rin sa mga nakumpiska ang isang one thousand peso bill bilang buy-bust money, mga cellphone at iba pang drug paraphernalia.
Mahaharap ang mga suspek sa kasong paglabag sa Sections 5, 6, 7, 11 at 12 ng Art. II ng RA 9165 o Comprehensive Dangerous Drugs Act of 2002.
Dahil sa serbisyong nagkakaisa ng PNP at PDEA tinitiyak nito sa publiko na patuloy ang kanilang Anti-Illegal Drugs Operation sa pagsugpo sa ilegal na droga sa komunidad tungo sa mas ligtas at maayos na pamayanan.
