Pitong indibidwal ang naaresto at nabuwag ang isang drug den sa isinagawang operasyon ng Philippine Drug Enforcement Agency 10 katuwang ang Cagayan de Oro Police Station 2 nito lamang ika-18 ng Setyembre 2024 sa Barangay 36, Cagayan de Oro City.
Kinilala ni Police Colonel Salvador Radam, City Director ng Cagayan De Oro City Police Office, ang mga suspek na sina alyas “Ai-Ai” at alyas “Nora”, parehong 36 taong gulang; alyas “Jes”, 47 taong gulang; alyas “Abi”, 26 taong gulang; alyas “Alawi”, 31 taong gulang; alyas “Jona”, 22 taong gulang, at si alyas “Jani”, 40 taong gulang at mga residente ng nasabing lugar.
Sa operasyon ay nakumpiska ang nasa 15 na gramo ng hinihinalang shabu na may street value na Php102,000 at iba pang mga drug paraphernalia.
Ang mga suspek ay nahaharap sa kasong paglabag Republic Act 9165 o Comprehensive Dangerous Drugs Act of 2002.
Patuloy ang iba’t ibang ahensya ng pamahalaan sa Hilagang Mindanao na nagtutulungan sa paglaban kontra ilegal na droga upang mapanatiling payapa at ligtas ang komunidad.
